Copyright  2014 Daily Jhoongar. All Rights Reserved
Powered By: PMedia




ترقي جي ڳالهه ڪندڙن کي بلوچستان ڇو نظر نٿو اچي،دهشتگرديءَ خلاف جنگ کٽڻ لاءِ عوام کي متحد ڪرڻو پوندو:بلاول ڀٽو زرداري
ڪوئيٽا (بيورو) پ پ چيئرمين بلاول ڀٽو زرادري چيو آهي ته آمرن ۽ سندن ساٿارين شهيد بينظير کي جلا وطن ٿيڻ تي مجبور ڪيو، اڄ سندس قربانين سبب جمهوريت مضبوط آهي. شهيد بينظير ڀٽو جي سالگرهه جي حوالي سان جاري ڪيل بيان ۾ بلاول ڀٽو زرادري چيو ته شهيد بي بي سدائين پٺ تي پيل ماڻهن لاءِ جاکوڙيو. هن غريب عوام جي حق جي پاسداري لاءِ جان قربان ڪئي. سندس چوڻ هو ته ڪوڙا ڊان چئي رهيو آهي ته ماضي ۾ به سندن احتساب ٿيندو رهيو آهي، مشرف به احتساب ڪيو. بلاول ڀٽو زرداري چيو ته ملڪ ۾ نيشنل ايڪشن پلان تي عمل نه ٿي رهيو آهي، دهشتگرديءَ خلاف جنگ کٽڻ لاءِ عوام کي متحد ڪرڻو پوندو. هن چيو ته ميان صاحب روز ترقي جو اعلان ڪندو آهي، بلوچ سوال ڪن ٿا ته ميان صاحب ترقي ڪٿي ٿي رهي آهي؟ پ پ چيئرمين چيو ته اسان جڏهن به توهان جو احتساب ڪيو ته توهان سازش سان اسان جي حڪومت ختم ڪرائي، توهان کي ڪڏهن ڦاهي ڏني وئي؟ توهان ڪڏهن جيل ڪاٽيا؟، اسان کي ڦاهيون ڏنيون ويون، اسان جي ته قبرن جو به ٽرائل ڪيو ويو.
حڪمرانن وٽ بچڻ جي گنجائش ناهي،وزيراعظم ۾ عقل آهي ته استعيفيٰ ڏئي ڇڏي:خورشيد شاهه
سکر ( بيورو) قومي اسيمبليءَ ۾ مخالف ڌر جي اڳواڻ خورشيد شاهه چيو آهي ته وزيراعظم نواز شريف ۾ ٿورو به عقل آهي ته استعيفيٰ ڏئي ڇڏي. سکر ۾ ميڊيا سان ڳالهائيندي خورشيد شاهه چيو ته وفاق لاءِ دعاگو آهن، حڪومت کي پنج سال پورا ڪرڻ گهرجن. هن چيو ته وزيراعظم نواز شريف سعودي عرب عمري تي پنهنجي لاءِ دعا گهرڻ ويو آهي. سندس چوڻ هو ته حڪومت جي آءِ ٽي خلاف اڃا تائين ڪو به ثبوت پيش نه ڪيو آهي. خورشيد شاهه چيو ته قطر اسان جو ڀاءُ ۽ ميان نواز شريف جو محسن ملڪ آهي. هن چيو ته اسان کي سعودي عرب ۽ قطر جي صورتحال تي پريشاني آهي. سندس چوڻ هو ته حڪمران پاڻ کي بچائڻ لاءِ ڊراما ڪري رهيا آهن. خورشيد شاهه چيو ته حسين نواز جي ته اڃا تصوير جاري ٿي آهي، حڪمران ادارن کي تڪراري بڻائي رهيا آهن. هن چيو ته سپريم ڪورٽ ۾ ڪيس پ پ نه کڻي وئي آهي، حڪمرانن وٽ بچڻ جي ڪابه گنجائش ناهي.

حسين نواز جي درخواست رد،سپريم ڪورٽ جي آءِ ٽي کي جاچ دوران وڊيو رڪارڊنگ جي اجازت ڏئي ڇڏي
اسلام آباد (بيورو) سپريم ڪورٽ وزيراعظم نواز شريف جي پٽ حسين نواز جي تصوير ليڪ ڪرڻ ۽ گڏيل جاچ ٽيم (جي آءِ ٽي) طرفان وڊيو رڪارڊنگ خلاف داخل درخواست رد ڪندي جي آءِ ٽي جي انٽيليجنس بيورو (آءِ بي) تي لڳايل الزامن جي حوالي سان تفصيلي جواب طلب ڪري ورتو آهي، سپريم ڪورٽ جي 3 رڪني بئنچ جي سربراهه جسٽس اعجاز افضل حسين نواز جي درخواست تي فيصلو پڙهي ٻڌايو، جيڪو 14 جون تي محفوظ ڪيو ويو هو، سپريم ڪورٽ پنهنجي فيصلي ۾ چيو آهي ته وڊيو رڪارڊنگ رڳو ٽرانسڪرپٽ جي درستگي جي لاءِ ڪري سگهجي ٿي، وڊيو رڪارڊنگ ٽرانسڪرپٽ جي تياري جي لاءِ ضروري آهي ۽ جيستائين قانون نٿو بڻجي، وڊيو رڪارڊنگ ثبوت طور عدالت ۾ پيش نٿي ڪري سگهجي، جسٽس اعجاز افضل چيو ته جنهن شخص تصوير ليڪ ڪئي، ان جي نشاندهي ٿي چڪي آهي، ان شخص خلاف ڪارروائي به ٿي چڪي آهي، عدالت چيو ته جي آءِ ٽي کي خدشن کان آزاد ٿيڻ گهرجي، ٽيم سپريم ڪورٽ جي حڪمن جي روشني ۾ ڪم ڪري رهي آهي، جيڪڏهن ڪنهن کي اعتراض هجي ته اهو سپريم ڪورٽ سان رابطو ڪرڻ جو اختيار رکي ٿو، سپريم ڪورٽ جي آءِ ٽي جي آءِ بي تي لڳايل الزامن تي اٽارني جنرل کان تفصيلي رپورٽ طلب ڪندي چيو ته رپورٽ ۾ ٻڌايو وڃي ته جيڪڏهن الزامن ۾ صداقت هجي ته ڇا قانوني ڪارروائي ٿي سگهي ٿي؟، جسٽس اعجاز افضل چيو آهي ته آءِ بي جي معاملي تي لکت جواب جمع ڪرايو ۽ اٽارني جنرل فوٽو ليڪ جي معاملي تي به پنهنجو جواب جمع ڪرائين، جسٽس اعجاز افضل چيو ته جنهن اخبار کي جيڪو لکڻو آهي لکي، عدالت ڪنهن کان ڊنل نه آهي، حڪومتي ادارا عدالت کي جواب ڏيڻ بدران پريس ڪانفرنس ڪندا آهن ۽ حڪومت پنهنجي حق ۾ آرٽيڪل ڇپرائيندي آهي، بينچ ۾ شامل جسٽس عظمت سعيد شيخ چيو ته اسان هتي نابالغ ته ناهيون ويٺا، جسٽس اعجاز الحسن چيو ته ڪيس کي ميڊيا ٽرائل نه بڻايو وڃي، اخبار پڙهي لڳندو آهي ته اٽارني جنرل جي ضرورت ناهي، جسٽس اعجاز افضل چيو ته اسان نٿا چاهيون ته عدالتي ڪارروائي کي ڳجهو رکيو وڃي، جڏهن ته جي آءِ ٽي رپورٽ کي ڳجهو رکنداسين ۽ جاچ رپورٽ کي منظر عام تي نه آندو ويندو، جنهن تي اٽارني جنرل جو چوڻ هو ته تصوير ليڪ جي جاچ رپورٽ پبلڪ ڪرڻ تي ڪو اعتراض ناهي، ان بعد عدالت اٽارني جنرل کي عيد بعد آءِ بي بابت جواب جمع ڪرائڻ جي هدايت ڪري ڇڏي، جسٽس عظمت سعيد شيخ چيو ته ان ڳالهه کي يقيني بڻايو وڃي ته جواب عدالت کان اڳ ميڊيا ڏانهن نه وڃو، جنهن تي اٽارني جنرل چيو ته عدالتي وقار تي ڪو سمجهوتو نه ٿيندو، عدالت چيو ته ايندڙ ٻڌڻي بئنچ جي دستيابي سان مشروط هوندي، بينچ جي تشڪيل چيف جسٽس جو اختيار آهي، جنهن بعد عدالت ڪيس جي ايندڙ ٻڌڻي عيد جي موڪلن بعد بينچ جي دستيابي سان مشروط ڪندي ۽ جي آءِ ٽي جي درخواست تي ٻڌڻي عيد کانپوءِ تائين ملتوي ڪري ڇڏي.
سوهائي ابڙو کي فلم ”لو، لنڊن سيالڪوٽ“ ۾ مک ڪردار ملي ويو
ڪراچي (ويب ڊيسڪ) پاڪستاني هدايتڪار فهيم برني اڄڪلهه پنهنجي ٻي فلم ”لو، لنڊن سيالڪوٽ“ ٺاهي رهيو آهي، جنهن  ۾ هن من موهڻي اداڪارا سوهائي علي ابڙو کي مک ڪردار لاءِ ڪاسٽ ڪري ورتو آهي. فهيم برني جي پهرين فلم ”پيار هي پيار مين“ 2003ع ۾ رليز ٿي هئي، جنهن کي گڏيل ردعمل مليو هو پر سئنيما ۾ ڪاميابي حاصل نه ڪرڻ کانپوءِ هڪ پاڻ کي هڪ ڪامياب ٽي وي هدايتڪار طور پيش ڪيو. فهيم برني ۽ سوهائي علي ابڙو ڪيترن ئي ڊرامن ۾ گڏ ڪم ڪري چڪا آهن، جن ۾ ”تنهائي، کويا کويا چاند، تمهاري نتاشا“ ۽ نئون ڊرامو ”آڌي گواهي“ شامل آهي. پنهنجي نئين فلم ”لو، لنڊن سيالڪوٽ“ بابت ڳالهائيندي فهيم برني چيو ته اها عام ڪهاڻي تي ٻڌل آهي، ڇو ته اسان وٽ اهڙا ستارا ناهن، تنهن ڪري هن وقت سنجيدا ڪهاڻين تي فلمون نٿا ٺاهي سگهون. فلم ۾ هڪ شادي کي پيش ڪيو ويندو، جتي برطانيا مان ايندڙ ڪجهه مائٽ ان شادي ۾ شرڪت ڪندا آهن ۽ گهرو مسئلن کي منهن ڏيندا آهن. فلم ۾ سوهائي علي ابڙو ڪنوار جي ڀيڻ جو ڪردار ادا ڪندي نظر ايندي، هوءَ اهڙي پنجابي ڇوڪري بڻجندي، جيڪا ڪجهه حاصل ڪرڻ چاهيندي آهي پر سندس خاندان جون ان ۾ ٻيون اميدون هونديون آهن. واضح رهي ته فلم ”لو، لنڊن سيالڪوٽ“ ايندڙ سال سئنيما گهرن ۾ نمائش لاءِ پيش ڪئي ويندي.
پاڪ-ڀارت ڪرڪيٽ ميچ اڄ کيڏي ويندي،پاڪستان کي 25 سالن پوءِ کٽڻ جو ٻيو موقعو
نئين دهلي (م ڊ) اٽڪل هڪ ارب کان وڌيڪ ماڻهو ٽي وي تي آءِ سي سي چئمپين ٽرافي جي پاڪستان ۽ ڀارت وچ ۾ فائنل ميچ ڏسڻ جڏهن ته اشتهارن جي دنيا جي ماهرن موجب فائنل ميچ دوران ٽي وي اشتهارن مان اٽڪل 5 سئو ڪروڙن جي ڪمائي ٿيڻ جو اندازو آهي، پي سي بي موجب پاڪستان ۽ ڀارت وچ ۾ فائنل جي هڪ سئو اوورن ۾ هرهڪ اوور ۾ اٽڪل 5 ڪروڙ ڪمائي جي اميد آهي، پاڪستان ۽ ڀارت ۾  چئمپين ٽرافي ۾ 4 جون تي پهرين مقابلي دوران ٽي وي نشريات 10 سيڪڊن جو اشتهار ڏيکارڻ لاءِ 25 لک چارجز ورتي وئي آهي پر ٽي وي اشتهار ڏياريندڙ ڪجهه ڪمپنيون دعويٰ ڪن ٿيون ته فائنل ۾ اها قيمت 35 لکن تائين پهچي وئي آهي، اسٽار ٽي وي موجب 4 جون تي ٿيندڙ انڊيا ۽ پاڪستان ۾ چئمپين ٽرافي جي پهري ميچ کي 20 ڪروڙ ماڻهن ڏٺو، پاڪستان ۽ ڀارت ۾ فائنل ميچ اٽڪل هڪ ارب کان وڌيڪ ماڻهو ٽي وي تي ڏسندا، اهو ٻڌائڻ ضروري آهي ته ڪنهن به وڏي ٽورنامينٽ ۽ اهم ميچ ۾ ٽي وي نشريات اشتهارن لاءِ 10 سيڪڙو سلاٽ رزور رکي ٿي، سڌن لفظن ۾ چيو وڃي ته وڏين ميچن ۾ جيڪو وڌيڪ پيسو ڏيندو ان لاءِ دروازا کليل آهن. 
سنڌ اسيمبلي بجيٽ 18-2017 جي منظوري ڏئي ڇڏي،ايندڙ حڪومت  به پ پ جي هوندي:وڏو وزير
سي پيڪ جي ڪري 4 سالن ۾ لاڳاپا وڌيڪ مضبوط ٿيا آهن: سرتاج عزيز
وزيراعظم ٻين کي بيوقوف بڻائڻ لاءِ معصوم ٿي ويندو آهي،اسيمبليون ٽوڙي ته مڇندس: خورشيد شاهه
ڪلڀوشن ياديو ڪيس: ڀارت جي جواب لاءِ 6 مهينن جي مهلت واري درخواست رد 
ايڊيشن