Copyright  2014 Daily Jhoongar. All Rights Reserved
Powered By: PMedia




ڪوئيٽا ۾ بلوچستان ڪانسٽيبلري جي گاڏي ڀرسان ڌماڪو،7 اهلڪار شهيد ۽ 22 ڄڻا زخمي
ڪوئيٽا(م ڊ)بلوچستان ۾ نيو سرياب روڊ تي بم ڌماڪي جي نتيجي ۾بلوچستان ڪانسٽيبلري جا 7  اهلڪار شهيد ٿي ويا ۽  22  زخمي ٿي پيا آهن.ڪوئيٽا ۾ نيوسرياب واري علائقي ۾ قومي شاهراهه تي ايليٽ فورس جي ٽرڪ ويجهو  ڌماڪي جي نتيجي ۾ 7 اهلڪار شهيد ٿي ويا ۽ 22  ڄڻا زخمي ٿي پيا.ڌماڪي سبب ايليٽ فورس جي ٽرڪ مڪمل طور سڙي وئي، جڏهن ته واقعي واري هنڌ هڪ گاڏي ۽ موٽرسائيڪل کي به نقصان پهتو.ڌماڪي بعد رضاڪارن پهچي شهيد ٿيل اهلڪارن جا مڙهه ۽ زخمين کي اسپتال منتقل ڪيو ويو.اسپتال ذريعن موجب، سول اسپتال ڪوئيٽا ۾ داخل 22 زخمين مان 5 ڄڻن جي حالت ڳڻتي جوڳي آهي، سڙي ويل زخمين کي ٽراما سينٽر منتقل ڪيو ويو آهي.زخمين ۾ احمد نواز، غوث بخش، فضل محمد، محمد يونس، خادم علي، محمد علي شاهه، عبدل احمد، عرفان علي، شڪيل ، گل محمد شامل آهن.ٻي طرف واقعي بعد سڪيورٽي فورسز جي وڏي نفري علائقي کي گهيرو آڻي شاهديون گڏ ڪيون، جڏهن ته صوبائي گهرو وزير سرفراز بگٽي به ڌماڪي واري هنڌ جو جائزو ورتو.وزيراعظم شاهد خاقان عباسي، صدر ممنون حسين، پيپلزپارٽي جي چيئرمين بلاول ڀٽو، پنجاب جي وڏي وزير شهبازشريف ۽ ٻين اڳواڻن ڪوئيٽا ڌماڪي جي مذمت ڪندي قيمتي انساني جانيون ضايع ٿيڻ تي ڏک جو اظهار ڪيو آهي.
سيوهڻ ويجهو ڊاٽسن ۽ مسافر ڪوچ ۾ ٽڪر،8 ڄڻا فوت،39 زخمي
سيوهڻ(رپورٽر) سيوهڻ ويجهو لڪي شاه صدر وٽ انڊس هاء وي تي سڪرنڊ جي ڳوٺ دليل ديرو مان سکان کڻي قلندر لال شهباز جي مزار تي ايندڙ مگسي برادري جي شهزور گاڏي جو اچانڪ ٽائر برسٽ ٿي پيو ۽ گاڏي لاڙڪاڻي کان ڪراچي ويندڙ مسافر ڪوچ سان ٽڪرائجي وئي .ڪوچ تيز رفتار هئڻ ڪري شهزور مٿان چڙهي وئي ۽ ڪلٽيون کائي سامهون کاهي ۾ ڪري پئي .حادثي جي نتيجي ۾ شهزور گاڏي ۾ سوار ٽي سڳا ڀائر رياض اياز  سجاد   هڪ7 نينگري ساله مسڪان سميت 6 ڄڻا ٿڏي تي ئي فوت ٿي ويا ۽ ڪوچ ۽ مزدا ۾ سوار 39 ڄڻا زخمي ٿي پيا زخمين  ۾ ڪريم بخش قرئت، جنيد آمنه ،شماع ،شينه ،فهيم ،ڌڻي بخش ،سيما ،زهران ،نورخاتون سميت 39 مرد عورتون ٻاررڙا زخمي ٿي پيا زخمين ۽ فوتين کي سيوهڻ جي عبدالله شاه ميڊيڪل انسٽيٽوٽ اسپتال آندو ويو.واقعي جو ٻڌي شهري وڏي انگ ۾ اسپتال پڄي ويا اسپتال ۾ قيامت صغرا جو ماحول بنيل ٿي ويو ۽ اسپتال ۾ ايمرجنسي نافذ ڪئي وئي .زخمين ۾ ٽن ڄڻن جي حالت انتهائي خطرناڪ هئڻ ڪري وڌيڪ علاج لاء حيدر آباد نواب شاه جي اسپتالن ڏانهن روانو ڪيو ويو آهي .اسپتال جي ڊائريڪٽر معين الدين صديقي مطابق اسپتال ۾ داخل مريضن جو علاج هلندڙ آهي ۽ سندن حالت خطري کان ٻاهر آهي.

سنڌ کي حصي جو پاڻي نٿو ڏنو وڃي،شريف ڀائر عوام جو استحصال ڪري رهيا آهن،شهيد راڻي جي خون سان انصاف ناهي ٿيو:بلاول ڀٽو زرداري
حيدرآباد(بيورو)  پ پ چيئرمين بلاول ڀٽو زرداري حيدرآ باد ۾ 18 آڪٽوبر جي جلسي کي خطاب ڪندي چيوته سنڌ کي حصي جو پاڻي نٿو ڏنو وڃي،شريف ڀائر عوام جو استحصال ڪري رهيا آهن،شهيد راڻي جي خون سان انصاف ناهي ٿيو.تاريخ شاهد آهي ته هر دور ۾ ڪربلا برپا ٿي آهي،پاڪستان پيپلز پارٽي کي آزمائشن مان گذرڻو پيو آهي، جنهن جو ڪاٿي به مثال نٿو ملي. پ پ چيئرمين چيو ته هزارين ڪارڪنن کي ڦاهيون ڏنيون ويون،نواز ليگ ۽ پي ٽي آءِ کي عوام جو ڪو به فڪر ناهي،انهن وٽ عوام کي ڏيڻ لاءِ ڪجهه به ناهي،ميان صاحب پروپيگنڊا جو ماهر آهي.اناڙي شخص ڪرڪيٽ گرائونڊ مان ٻاهر ناهي نڪتو، سياست گارين جو نالو ناهي، پپيل پارٽي ايوب خان جي آمريت جو به مقابلو ڪيو،قائم ٿيڻ کان اڄ تائين ڪري رهي آهي.شهيد ڀٽو جي ڦاهي کانپوءِ ضياءَ سمجهيو ته هاڻ پيپلز پارٽي ختم ٿي وئي،بيگم نصرت ۽ بينظير ڀٽو ان وقت پاٽي جي ڪمان سڀالي،جڏهن ڀٽو ڦاهي کان نه ڊڳو ته بينظير موت کان ڪئين ڊڄي ها.شهيد کي ياد ڪرڻ جا ٻه طريقا هونداآهن،هڪ ڳوڙها ڳاڙي ڏک ڪرڻ ۽ ٻيو سوڳ ملهائي قاتلن کي بي نقاب ڪرڻ.
سينيئر اداڪارائن کي رومانس جا ڪردار ملڻ گهرجن: عاليه ڀٽ
ممبئي(شوبز نيوز) بالي ووڊ اداڪارا عاليه ڀٽ چيو آهي ته سينيئر اداڪارائن کي اداڪارن سان رومانس جا ڪردار ملڻ گهرجن. جيو مامي فلم فيسٽيول ۾ ڳالهائيندي هن چيو ته مان حيران آهيان ته ماڌوري کي سلمان ۽ شاهه رخ جي هيروئن ڇو نٿو بڻايو وڃي. هن جو چوڻ هو ته اسان جي انڊسٽري ۾ وڏي عمر جي اداڪارائن لاءِ ليکڪ به لکڻ لاءِ تيار ناهن. هن چيو ته مرد اداڪارن بابت مروج روايتن کي تبديل ڪرڻ وقت جي ضرورت آهي.
پي سي بي پاران ڪرائي ۾ پي سي ايل ڪرائڻ جو اعلان
ڪراچي(اسپورٽس نيوز) پاڪستان ڪرڪيٽ بورڊ ( پي سي بي) جي چيئرمين نجم سيٺي چيو آهي ته پاڪستان سپر ليگ جا ميچ لاهور ۾ ڪرايا ويا ۽ هاڻ ڪراچي جو وارو آهي.  ڪراچي ۾ ميڊيا سان ڳالهائيندي هن چيو ته اسان پي ايس ايل جا چار ميچ ڪراچي ۾ ڪرائڻ چاهيون ٿا. ان ڪري رينجرز ۽ ٻين سيڪيورٽي ادارن سان سهڪار گهربل آهي. هن چيو ته سنڌ جي وڏي وزير سيد مراد علي شاهه کيس مڪمل سهڪار جو يقين ڏياريو آهي. آءِ سي سي جي نئين اسٽريڪچر جي حوالي سان هن ڳالهائيندي چيو ته ڀارت جيڪڏهن پاڪستان سان نه کيڏيو ته سندس پوائنت ڪٽجي ويندا. هن چيو ته ٻڌايو ته آءِ سي سي جي اسٽريڪچر ۾ پاڪ ڀارت ميچ گهٽ آهن، اسان وڌائڻ جي درخواست  ڪئي آهي. هن ٻڌايو ته ويسٽ انڊيز جي ٽيم به پاڪستان اچي کيڏڻ جي تصديق ڪري ڇڏي آهي. فواد عالم کي مسلسل نظرانداز ڪرڻ بابت هڪ سوال تي هن چيو ته ان جو جواب چيف سيليڪٽر انضمام الحق کان ڪيو وڇي. فواد عالم جي سفارش آئون نه ڪندس، سفارش ڪري سگهان ٿو ته پر زبردستي نٿو ڪري سگهان.
پاڪستان جا دوست گهٽ دشمن وڌيڪ آهن،برڪس پڌرنامي جي ذميوارن خلاف ڪارروائي ٿيڻ گهرجي:نثار
ڪو به ملڪ پاڪستان کي خطرناڪ قرار ڏيڻ جي جرئت نه ٿو ڪري سگهي:احسن اقبال
عمران خان بزرگن جو ليڊر آهي،جيڪو گهر نه ٿو هلائي ملڪ ڪيئن هلائيندو:مولابخش چانڊيو
ميڪسيڪو ۾ زلزلي تباهي مچائي ڇڏي، 248 کان وڌيڪ ماڻهو فوت،ڪيترائي زخمي
ايڊيشن