Copyright  2014 Daily Jhoongar. All Rights Reserved
Powered By: PMedia




قومي اسيمبلي اجلاس ۾ ڊيمن خلاف مخالف ڌر جي پارٽين جو احتجاج، نعريبازي
اسلام آباد ( مانيٽرنگ ڊيسڪ ) قومي اسيمبليءَ جي اجلاس ۾ ملڪ اندر نون ڊيمن جي اڏاوت بابت ٺهراءُ منظور ڪيو ويو آهي. قومي اسيمبلي جي اجلاس دوران پي ٽي آءِ جي علي محمد خان نون ڊيمن جي اڏاوت بابت ٺهراءُ پيش ڪيو جنهن تي مخالف ڌر جي پارٽين تڪراري ڊيمن خلاف احتجاج ڪيو. پ پ ايم اين اي يوسف ٽالپر چيو ته اهڙا ڊيم نه ٺاهيا وڃن جن کي ٽن صوبن رد ڪيو آهي، ڀاشا ڊيم تي اسان کي ڪو به اعتراض ناهي. مسلم ليگ ن اڳواڻ خواجه آصف چيو ته واٽر پاليسي ۾ ڀاشا ۽ گومل ڊيم تي مڪمل اتفاق ٿيو هو، صوبن اتفاق سان واٽر پاليسي تي صحيح ڪئي، اسان کي پاڻي جي بچت لاءِ به قدم کڻڻا پوندا،  پاڻي جمع ڪرڻ کان وڌيڪ اهم پاڻي بچائڻ آهي. پرڏيهي وزير شاهه محمود قريشي چيو ته خواجه آصف جنهن دستاويز جو ذڪر ڪيو تنهن تي اسان کي اتفاق آهي. هن چيو ته جيڪڏهن ڪي پي ۽ سنڌ کي ڪالاباغ ڊيم تي اعتراض آهي ته اسان منصوبي کي نه ڇيڙينداسين. سندس چوڻ هو ته ڪالاباغ ڊيم تي اجائي قومي بحث شروع ڪيو ويو آهي، اسان کي وفاق جي مضبوطي لاءِ صوبن جي خدشن جو احترام ڪنداسين.
پاناما ريفرنسز  جي منتقلي معاملو تي نيب عدالت کان معافي وٺي ڇڏي
اسلام آباد ( مانيٽرنگ ڊيسڪ ) اڳوڻي وزيراعظم نواز شريف خلاف العزيزيه اسٽيل ملز ۽ فليگ شپ انويسٽمينٽ ريفرنسز جي منتقلي جي معاملي تي غلط بياني تي قومي احتساب بيورو سپريم ڪورٽ کان معافي وٺي ڇڏي.  چيف جسٽس ثاقب نثار جي سربراهيءَ ۾ جسٽس عمر عطا بنديال ۽ جسٽس اعجاز الحسن تي ٻڌل 3 رڪني بئنچ نيب طرفان داخل ڪيل درخواستن جي ٻڌڻي ڪئي. سپريم ڪورٽ ۾ ٻڌڻي دوران ايڊيشنل پراسيڪيوٽر نيب حيدر علي سپريم ڪورٽ کي ٻڌايو ته نيب ريفرنسز جي منتقلي خلاف معاملو 11 سيپٽمبر تي ٻڌڻي لاءِ مقرر هو ۽ تفصيلي فيصلي تائين ٻڌڻي ملتوي ڪرڻ جي درخواست ڪئي وئي هئي. ايڊيشنل پراسيڪيوٽر وڌيڪ چيو ته مان تفصيلي فيصلو نه اچڻ جو بيان انچارج پراسيڪيوٽر سان مشوري جي بنياد تي ڏنو. هن چيو ته هاءِ ڪورٽ 7 آگسٽ تي تفصيلي فيصلو لکي چڪي هئي ۽ نيب 18 آگسٽ تي ڪيس جي تصديق ٿيل نقل حاصل ڪري ورتي. ايڊيشنل پراسيڪيوٽر حيدر علي سپريم ڪورٽ جي روبرو چيو ته اسلام آباد هاءِ ڪورٽ جي بئنچ کان به پنهنجي غلطي تي معافي وٺي چڪا آهن ۽ جنهن کي فراغدلي سان قبول ڪيو ويو.  هن سپريم ڪورٽ کي غير مشروط معافي قبول ڪرڻ جي درخواست ڪئي.

سگريٽ، موبائيل فون مهانگا، لگزري ايٽمز تي ڊيوٽي وڌائڻ، پينشن 10 هزار مقرر ڪرڻ جي تجويز پيش
اسلام آباد (مانيٽرنگ ڊيسڪ ) حڪومت مني بجيٽ ۾ سگريٽ وڌيڪ مهانگا ڪرڻ، موبائيل فون تي ڊيوٽي وڌائڻ ۽ اي او بي آءِ جي گهٽ ۾ گهٽ پينشن 10 هزار رپيه ڪرڻ جو اعلان ڪيو آهي. قومي اسيمبليءَ جي اجلاس ۾ ضمني مالياتي بل پيش ڪندي ناڻي واري وزير اسد عمر چيو ته معيشت کي استحڪام، روزگار ۽ برآمد ۾ اضافو اسان جي اوليت آهي،  ملڪ کي قرضن جي بار مان ڪڍڻ اسان جي پهرين ترجيح آهي، اسيمبلي ميمبرن جي بجيٽ تجويزن تي غور ڪيو ويندو. هن چيو ته گذريل سال مالياتي خسارو 6 ڏهائي 6 سيڪڙو تائين  پهچي ويو هو، معاشي طور ملڪ کي ڏکين حالتن کي منهن ڏيڻو پئجي رهيو آهي، توانائي جي شعبي ۾ گذريل سال ساڍا 4 سئو ارب رپيه خسارو ٿيو، گئس جي شعبي ۾ 100 ارب رپين کان وڌيڪ خساري کي منهن ڏيڻو پئجي ويو، موجوده صورتحال ۾ خسارو 7 ڏهائي 2 سيڪڙو تائين پهچي سگهي ٿو.  سندس چوڻ هو ته ملڪ تي پرڏيهي قرض 95 ارب ڊالر تائين پهچي چڪا آهن، ملڪي پرڏيهي ناڻي جا ذخيرا خطرناڪ حد تائين ڪري چڪا آهن، گذريل ڪجهه مهينن ۾ ڊالر جي مقابلي ۾ رپيه جي ملهه ۾ 20 رپيه گهٽتائي ٿي چڪي آهي،  رپئي جي ملهه ۾ گهٽتائي سان عام شين جي اگهن ۾ اضافو ٿيندو آهي.  اسد عمر چيو ته خطرناڪ معاشي حالتن مان نڪرڻ لاءِ ڏکيا فيصلا ڪرڻا پوندا، اسان جو مقصد غريب ۽ پيڙهيل طبقي تان بار گهٽ ڪرڻ آهي، آبادگارن جي سولائي لاءِ ڀاڻ گهرائڻ جو مقدار وڌائي رهيا آهيون،  وزيراعظم فيصلو ڪيو آهي ته صحت انصاف ڪارڊ جاري ڪيو وڃي، انصاف ڪارڊ تحت علاج لاءِ 5 لک کان 40 هزار رپين تائين جاري ڪيا ويندا.  اسد عمر چيو ته پورهيتن لاءِ 10 هزار گهر ٺهرائڻ جي منظوري ڏئي ڇڏي آهي.  هن چيو ته امپلائيز اولڊ ايج بينفٽ انسٽيٽيوٽ پينشرن جي گهٽ ۾ گهٽ پينشن 10 سيڪڙو وڌائي پئي وڃي، پيٽروليم ليوي ٽيڪس ۾ اضافو نه ڪيو ويندو، صنعتن لاءِ 44 ارب رپين جي سبسڊي جو اعلان ڪري چڪا آهيون.
رشي ڪپور کانپوءِ عاليا جي امڙ به رنبير سان ڌيءُ جي رشتي تي خوش
 ممبئي (شوبز نيوز)  ناليواري بالي ووڊ اداڪاره عاليا بٽ ۽ رنبير ڪپور جي رشتي لاءِ رشي ڪپور کانپوءِ عاليا جي والده جي منظوري پڻ ملي وئي آهي. ميڊيا رپورٽن مطابق اڄڪلهه ٻنهي اداڪارن جي محبت جون ڳالهيون ٿي رهيون آهن ۽ هاڻي انهن جي رشتي ۾ ٻنهي جي والدين جي منظوري پڻ شامل ٿي وئي آهي. ميڊيا رپورٽن موجب ڪجهه وقت اڳ عاليا ۽ رنبير جي تعلق بابت رشي ڪپور چيو هو ته هن کي رشتي تي ڪوبه اعتراض نه آهي ۽ هاڻي عاليا جي والده سوني رازدان پڻ پنهنجي ڌيءُ جي هر فيصلي ۾ ان سان گڏ رهڻ لاءِ چيو آهي ته آخري فيصلو عاليا جو هوندو آهي. هن جي زندگي آهي، هوءَ پنهنجي زندگي جو فيصلو پاڻ ڪري سگهي ٿي.
چيمپيئنز ٽرافي جي فائنل ۾ شڪست جو ڀارت کي ڊپ هوندو: شعيب اختر
دبئي(اسپورٽس نيوز) ايشيا ڪپ جي سڀ کان وڏي مقابلي پاڪ ڀارت ميچ لاءِ اڳوڻن رانديگرن طرفان ٽيم کي مشورا ڏنا پيا وڃن. اڳوڻي فاسٽ بالر شغيب اختر چيو ته پاڪستان کي ڪنڊيشنز سبب فائدو ٿيندو، گڏيل عرب امارات هاڻ پاڪستان جو هوم گرائونڊ بڻجي چڪو آهي. شعيب اختر جو وڌيڪ چوڻ هو ته چيمپيئنز ٽرافي جي فائنل جي شڪست جو ڀارت تي ڊپ هوندو ۽ گرين شرٽس کي ڀارتي سورمائن تي نفسياتي برتري هوندي. قومي ٽيم جي اڳوڻي ڪپتان ۽ چيف سليڪٽر انضمام الحق جو چوڻ آهي ته ڀارت جي خلاف ڪٿي به مقابلو هجي اهو زبردست هوندو آهي، دبئي ۾ هڪ ٻئي کي کيڏندي ڏسي مزو ايندو.
ملڪ هلائڻ لاءِ پئسو ناهي، پاڻ کي تبديل نه ڪيو ته اڳتي تباهي ايندي: وزيراعظم 
انصاف جي نظام ۾ بهتري لاءِ وفاق ۽ صوبن کان تجويزون طلب
پشين ۾ اسسٽنٽ ڪمشنر جي گاڏي ڀرسان ڌماڪو، 3 اهلڪار شهيد
ڪرپشن ۾ملوث سنڌ پوليس جي 18 آفيسرن خلاف ڪارروائي جي سفارش
ايڊيشن