Copyright  2014 Daily Jhoongar. All Rights Reserved
Powered By: PMedia




نواز شريف ۽ مريم پرڏيهه وڃڻ جي اجازت،نيب ريفرنس مهيني ۾ مڪمل ڪرڻ جي هدايت
لاهور (بيورو رپورٽ) سپريم ڪورٽ احتساب عدالت کي اڳوڻي وزيراعظم نواز شريف سميت ٻين جوابدارن خلاف ٽنهي ريفرنسز جو هڪ مهيني ۾ فيصلو ٻڌائڻ جو حڪم ڏئي ڇڏيو آهي. چيف جسٽس ميان ثاقب نثار جي سربراهيءَ ۾ 2 رڪني بئنچ سپريم ڪورٽ لاهور رجسٽري ۾ احتساب عدالت طرفان شريف خاندان خلاف ٽرائل مڪمل ڪرڻ جي مدي ۾ واڌ بابت درخواست جي ٻڌڻي ڪئي. ان موقعي تي نواز شريف جو وڪيل خواجه حارث ۽ نيب جو پراسيڪيوٽر جنرل پيش ٿيو. ٻڌڻي دوران نواز شريف جي وڪيل خواجه حارث عدالت کي درخواست ڪئي ته 6 هفتن ۾ ٽرائل مڪمل ڪرڻ جو وقت ڏنو وڃي جنهن کي عدالت رد ڪري ڇڏيو. چيف جسٽس رمارڪس ڏيندي چيو ته هاڻي ڪيسن جو فيصلو ٿيڻ گهرجي، جوابدار به پريشان آهن ۽ قوم به ذهني اذيت جو شڪار آهي.  هن چيو ته احتساب عدالت هاڻي ڇنڇر ڏينهن به ٽنهي ريفرنسز جي ٻڌڻي ڪندي جنهن تي نواز شريف جي وڪيل چيو ته ڇنڇر ۽ آچر ڏينهن عدالت جي روبرو پيش نه ٿي سگهنداسين.  چيف جسٽس چيو ته خواجه صاحب توهان اڃا جوان آهيو، مان پوڙهو هئڻ باوجود آچر تي به ٻڌڻي ڪري رهيو آهيان.  چيف جسٽس چيو ته نواز شريف ۽ مريم نواز بيگم ڪلثوم نواز جي عيادت لاءِ  وڃڻ چاهين ٿا ته وڃي سگهن ٿا، مون کي ٻڌايو ته نواز شريف عيادت کانپوءِ ڪڏهن واپس ايندو، توهان مشهوري لاءِ چئو ٿا ته اسان کي ڪلثوم نواز جي عيادت جي اجازت نه ڏني وئي. چيف جسٽس چيو ته توهان زباني درخواست ڏيو اسان اجازت ڏينداسين. چيف جسٽس ثاقب نثار  شريف خاندان خلاف نيب ريفرنس هڪ مهيني اندر اڪلائڻ جي هدايت ڪري ڇڏي.
نواز ليگ کي ڇڏي ويندڙ برسات ڏيڏر آهن، رڪارڊ ترقياتي ڪم ڪيا: نواز شريف
لاهور ( بيورو رپورٽ) اڳوڻي وزيراعظم نواز شريف چيو آهي ته نگران حڪومت اچي وئي پر ڪنهن هنڌ مسلم ليگ ن کي ڇڏي ويندڙن جي لائن نه ڏٺي آهي. لاهور ۾ پارلياماني بورڊ جي اجلاس کي خطاب ڪندي نواز شريف چيو ته چيو پئي ويو ته حڪومت ويندي ته پارٽي ڇڏيندڙن جي لائن لڳي ويندي. هن چيو ته پنجاب ۾ ماڻهو پاڻ ڏسن ٿا ته هتي ڪم ٿيا آهن، شهباز شريف گرمي ۽ سردي ڏسڻ کانسواءِ ڪم ڪيو، مٿس ماڻهن مختلف الزام هنيا پر شيون ڪوڙيون ثابت ٿيون آهن، پنجاب ۽ اسلام آباد کانسواءِ پاڪستان ۾ ميٽرو بس ڪٿي  به نه آهي. سندس چوڻ هو ته ٻن ڏينهن ۾ ڏکڻ پنجاب محاذ ختم ٿي ويو، ٻڌو آهي ته اتي به ماڻهو غير مطمئن آهن، محاذ ٺاهيندڙ وري ٻي پارٽي ۾ هليا ويا آهن. نواز شريف چيو ته مسلم ليگ ن کي ڇڏي ويندڙ برساتي ڏيڏر آهن.

پاڪستان ۽ روس جو واپار، توانائي ۽ تعليم جي شعبن ۾ سهڪار وڌائڻ تي اتفاق
ڪنڊاوو(م ڊ) صدر ممنون حسين ۽ روس جي صدر ولادي مير پيوٽن چنگ ڊاو ۾ ملاقات ڪئي. ٻنهي ملڪن جي صدرن جي ملاقات شنگهائي سهڪار تنظيم جي سربراهه ڪانفرنس جي موقعي تي ٿي . جنهن ۾ ٻه طرفن معاملن، عالمي ۽ علائقائي صورتحال تي خيالن جي ڏي وٺ ڪئي وئي . ملاقات ۾ صدر ۽ روسي صدر گڏيل لاڳاپنن ۾ وڌيڪ واڌ تي اتفاق ڪيو . ٻنهي ملڪن وچ ۾ واپار ، توانائي ۽ تعليم جي شعبن ۾ سهڪار وڌائڻ تي اتفاق ڪيو ويو . ملاقات ۾ ٻنهي صدرن اتفاق ڪيو ته پاڪستان ۽ روس وچ ۾ واپار ۾ واڌ جا تمام گهنا امڪان آهن . ٻنيه ملڪن وچ ۾ واپار جو ڪاٿو وڌايو ويندو . ياد رهي ته گذريل ڏينهن به صدر ممنون حسين چيني صدر شي چن پنگ ۽ ايراني هم منصب ڊاڪٽر حسن روهاني سان ملاقات ڪئي هئي .
معياري کاڌو کائڻ کان وڌيڪ خوشي ٻي ڪنهن شئي ۾ ناهي ملندي:ڪترينا ڪيف
ممبئي(شوبز نيوز) باليووڊ جي مشهور اداڪارا ڪترينا ڪيف چيو آهي ته کيس سٺو کاڌو کائڻ کان وڌيڪ خوشي ٻي ڪنهن به شئي ۾ ناهي ملندي. پرڏيهي خابرو اداري موجب پنهنجي هڪ انٽرويو ۾ اداڪارا چيو ته سٺو ۽ معياري کاڌو کائڻ سان کيس وڌيڪ ڪم ڪرڻ لاءِ طاقت ملندي آهي ۽ کيس سٺو کاڌو کائڻ کان وڌيڪ خوشي ٻي ڪنهن شئي ۾ ناهي ملندي. هن چيو ته کيس اسٽريٽ فوڊ کائڻ تمام گهڻو پسند آهي ۽ اهڙيو جايون جتي سندس پسنديدا کاڌا ڪڙڪ پائو ۽ پاوا کائڻ لاءِ ملي وڃن ته تمام گهڻي خوشي ٿيندي آهي . جڏهن ته هن چيو هن کي سي فوڊ پڻ تمام گهڻو پسند آهن ۽ دهلي ۾ دهلي ۾ هو هر قسم جو کاڌو کائڻ چاهيندي آهي.
رانديگرن تي ڄاڻي واڻي ڪاوڙ ناهيان ڪندو پر انداز اهڙو آهي: سرفراز احمد
لاهور (اسپورٽس نيوز) قومي ڪرڪيٽ ٽيم جي ڪپتان سرفراز احمد چيو آهي ته مان رانديگرن تي ڄاڻي واڻي ڪاوڙ ناهيان ڪندو، منهنجي ڪپتاني جو انداز ئي اهڙو آهي. خانگي ٽي وي چئنل سان ڳالهائيندي پاڪستاني ڪرڪيٽ ٽيم جي ڪپتان سرفراز احمد جو چوڻ هو ته نيوزيلينڊ خلاف ٽي ٽوئنٽي سيريز ۾ ڪاميابيءَ جو ڪريڊٽ نوجوان رانديگرن ڏانهن وڃي ٿو، جڏهن ته سينيئر رانديگرن لاءِ ٽيم ۾ ڪي ڏکيائيون ناهن. هن چيو ته حسن علي ٽيم لاءِ کيڏندو آهي، ميدان ۾ جيڪو ڪجهه به ٿيو اهو ماضي جو حصو آهي. سرفراز احمد چيو ته جيڪڏهن اڳتي به ضرورت پئي ته چوٿين نمبر تي بيٽنگ ڪندي، پاڪستان سپر ليگ جو فائنل ڪراچي ۾ ٿيڻ خوشي جي ڳالهه آهي.
ڪراچي ۾ وفاق 75 ارب جا ترقياتي ڪم ڪرائيندو: گورنر
تهذيبي ورثو قومن جي سڃاڻپ هوندو آهي: صدر ممنون
ايندڙ چونڊن ۾ چوڌري نثار کي پارٽي ٽڪيٽ ڏينداسين: شهباز شريف
ڪنهن سياسي پارٽي يا فرد کان انتقام وٺڻ تي يقين نٿا رکون: نيب چيئرمين 
ايڊيشن